Virkir vegfarendur

Hér má sjá þá fimm teljara sem flest fóru gangandi fram hjá síðastliðna sjö daga ásamt fjöldanum sem gekk fram hjá hverjum og einum þeirra. Það kemur ef til vill ekki á óvart að mikill meirihluti gangandi umferðar skýrist af vegfarendum á Laugaveginum.

Þegar gangandi umferð á Laugavegi er skoðuð nánar kemur í ljós að síðastliðna 12 mánuði hafa að meðaltali 14.686 manns gengið fram hjá teljaranum á Laugavegi 22 á dag. Myndin sýnir heildarfjölda gangandi vegfarenda á Laugavegi á tímabilinu.

Þegar gangandi umferð á Laugavegi er skoðuð eftir tíma dags og vikudögum má sjá að flestir vegfarendur eru á ferli seinni partinn og fjöldinn nær hámarki á kvöldin um helgar.

Á myndinni má sjá þær fimm dagsetningar þegar flest gengu um Laugaveginn síðastliðna 12 mánuði. Yfirleitt hefur eitthvað sérstakt verið um að vera, svo sem Gleðigangan, Þorláksmessa og 17. júní – en ekki síst Menningarnótt, þegar gengið var fram hjá teljaranum 64.207 sinnum! 

Hér má sjá þá fimm teljara sem flest hjóluðu fram hjá síðastliðna sjö daga, ásamt fjölda sem hjólaði fram hjá teljurum á hverjum stað.

Teljarinn við Nauthólsvík er, að undanskildum teljara við Laugaveg, sá teljari sem oftast er hjólað framhjá að jafnaði. Þegar hjólaferðir eru skoðaðar eftir dögum síðastliðna 12 mánuði kemur í ljós að flest hjóluðu fram hjá teljaranum í Nauthólsvík þann 7. ágúst 2024, þegar 1.649 hjólaferðir voru taldar. Það er ekki að undra að mesta hjólaumferðin í Nauthólsvík sé yfir sumartímann, enda Ylströndin geysivinsæll áfangastaður á þeim tíma.

Árið 1998 var samanlögð vegalengd allra hjólastíga í borginni aðeins 83 metrar. Mikil uppbygging hefur átt sér stað síðan þá og nú er þessi vegalengd orðin 214.281 metri! Myndin sýnir uppsafnaða lengd hjólastíga og blandaðra stíga (göngu- og hjólastíga) á ári frá 1998. Með hverju árinu sem líður lengjast stígarnir, sem er ótvírætt jákvæð þróun fyrir vistvæna byggð.

Myndin sýnir meðalfjölda gangandi og hjólandi vegfarenda eftir vikudögum undanfarnar fjórar vikur, að undanskilinni umferð á Laugavegi. Hjólandi umferð var meiri á virkum dögum en um helgar og að jafnaði mest á miðvikudögum en minnst á laugardögum. Gangandi umferð dreifðist jafnar yfir vikuna og var mest á mánudögum en minnst á föstudögum.

Á myndinni má sjá meðalfjölda gangandi og hjólandi vegfarenda eftir tíma dags undanfarna viku, að undanskilinni umferð um Laugaveg. Hér sjást tveir skýrir toppar í hjólandi umferð, annars vegar um áttaleytið á morgnana og hins vegar um fjögurleytið seinni partinn. Fjöldi gangandi vegfarenda fer hins vegar vaxandi eftir því sem líður á daginn og minnkar svo aftur á kvöldin.