Tónlistarnám

Fjölbreytt og skapandi tónlistarnám fyrir börn og unglinga er í boði í öllum hverfum borgarinnar. Í Reykjavík eru starfræktar fjórar skólahljómsveitir auk þess sem borgin er í samstarfi við fjölda tónlistarskóla. 

Skólahljómsveitir

Í skólahljómsveitum er kennt á öll helstu málm- og tréblásturshljóðfærin auk slagverkshljóðfæra. Þar læra börn og unglingar að koma fram, greina og skapa tónlist en einnig að hlusta á tónlist og njóta hennar. Þá gegna skólahljómsveitir lykilhlutverki í því að jafna tækifæri nemenda til tónlistarnáms og efla félagsleg samskipti. 

Aukin aðsókn í skólahljómsveitir

Hér má sjá þróun nemendafjölda í skólahljómsveitum á árunum 2015-2022. Aðsókn í sveitirnar hefur aukist talsvert á því tímabili og hefur nemendum fjölgað úr 449 nemendum árið 2015 í 577 nemendur árið 2022. 

Nemendafjöldi í skólahljómsveitum í Reykjavík

Sveimaðu yfir grafið til að sjá nánari upplýsingar

Grunnnám fjölmennasta námsstigið

Námsstig skólahljómsveitanna eru þrjú – grunn-, mið- og framhaldsstig. Þetta stöplarit sýnir nemendafjölda í skólahljómsveitum Reykjavíkur á árunum 2015-2022 og sést þar að grunnnámið er langfjölmennasta námsstigið. 

Nemendafjöldi eftir námsstigi

Sveimaðu yfir grafið til að sjá nánari upplýsingar

Tónlistarskólar

Árið 2021 voru 18 tónlistarskólar starfræktir í Reykjavík. Þar er boðið upp á fjölbreytt nám í bæði hljóðfæraleik og söng og ættu flestir að geta fundið eitthvað við sitt hæfi. Hægt er að nýta frístundakortið til þess að greiða niður nám í tónlistarskóla. 

Nemendafjöldi eftir námstigum

Nemendafjöldi í tónlistarskólum hefur haldist svipaður á milli ára. Hér má sjá þróun nemendafjölda í tónlistarskólum Reykjavíkur á árunum 2015-2022. Grunnnám er lang fjölmennasta námsstigið, þar á eftir kemur fornám.  Línuritið hér að neðan sýnir þróun á nemendafjölda í tónlistarskólum Reykjavíkur á árunum 2015-2022 eftir tegund tónlistarnáms. Grunnnám er lang fjölmennasta námsstigið, þar á eftir kemur fornám.

Nemendafjöldi eftir tegund tónlistarnáms

Sveimaðu yfir grafið til að sjá nánari upplýsingar

Tónskóli Sigursveins fjölmennastur

Eftirfarandi mynd sýnir nemendafjölda í tónlistarskólum borgarinnar árið 2021. Tónskóli Sigursveins er langfjölmennasti tónlistarskólinn í Reykjavík með 575 nemendur. Næsti skóli á eftir, Tónlistarskólinn í Grafarvogi, er með rúmlega helmingi færri nemendur eða 236. 

Nemendafjöldi eftir tónlistarskólum

Sveimaðu yfir grafið til að sjá nánari upplýsingar

Ítarefni

Viltu vita meira um tónlistarskóla eða aðra starfsemi borgarinnar? Í Gagnagáttinni getur þú flett upp í opnum gagnasöfnum borgarinnar og hlaðið þeim niður.

Fara í Gagnagáttina

Aðrir málaflokkar