Grunn­skól­ar í Reykja­vík

Reykjavíkurborg rekur 38 grunnskóla, þar af eru 2 sérskólar. Sérskólar þjónusta fötluð börn og börn sem þurfa aukinn stuðning vegna geðrænna, hegðunar- eða félagslegra erfiðleika. Þar að auki eru 6 sjálfstætt starfandi skólar í Reykjavík. Í dag stunda alls 15.313 nemendur nám í grunnskólum í Reykjavík. Árleg tölfræði miðast við október hvert ár en tölur fyrir yfirstandandi skólaár uppfærast mánaðarlega.

Kort af grunnskólum og grunnskólahverfum í Reykjavík

Bláu fletirnir sýna öll grunnskólahverfi í Reykjavík. Bláu punktarnir sýna borgarrekna grunnskóla og grænu punktarnir sýna sjálfstætt starfandi skóla.

Nemendum fjölgar í sjálfstætt starfandi skólum

Heildar nemendafjöldi í skólum í Reykjavík hefur alla jafna verið um 13.000-15.000 ár hvert. Upplýsingar um fjölda nemenda í sérskólum bættust við tölfræðina árið 2008 þar sem nemendafjöldi hefur verið um 130-170 á ári. Árið 2015 bættust svo við upplýsingar um sjálfstætt starfandi grunnskóla og hefur nemendum í þeim skólum fjölgað úr 616 í 940 síðan þá.

Nemendafjöldi í grunnskólum í Reykjavík eftir árum

Sveimaðu yfir grafið til að sjá nánari upplýsingar

Flestir grunnskólanemendur í Breiðholti 

Súluritið sýnir nemendafjölda eftir 10 borgarhlutum Reykjavíkur. Flestir nemendur eru í grunnskóla í Breiðholti, eða 2.287 nemendur, en fæstir á Kjalarnesi, eða 131 nemendur.

Nemendafjöldi eftir borgarhluta

Sveimaðu yfir grafið til að sjá nánari upplýsingar

Flestir skólar í Grafarvogi og í Hlíðum

Hverfin í borginni eru misstór og þar af leiðandi með mismarga skóla. Flestir skólar eru í Grafarvogi og í Hlíðum eða 7 talsins. Fæstir skólar eru á Kjalarnesi en þar er einungis einn starfræktur skóli.

Sveimaðu yfir grafið til að sjá nánari upplýsingar

Hvaða bekkir eru stærstir?

Hér sjást stærðir bekkja í Reykjavík. Í dag er 10. bekkur fjölmennastur með 1.676 börn. Stærð bekkja fylgir stærð árganga og breytist fjöldinn í takt við fæðingartíðni hvers árs, en einnig flutning fólks til og frá Reykjavíkur.

Nemendafjöldi í grunnskólum eftir bekkjum og tegund skóla

Sveimaðu yfir grafið til að sjá nánari upplýsingar

Flest eru

Árið 2024 var fjöldi stöðugilda í borgarreknum skólum 2.420 í heildina. Flest eru kennarar með leyfisbréf en við skólana starfar jafnframt fjölbreyttur hópur fólks aðra háskólamenntun. Hér er bæði átt við starfsfólk með uppeldismenntun, svo sem þroskaþjálfun eða náms- og starfsráðgjöf, eða með aðra háskólamenntun. Þar að auki starfar stór hópur við stuðning og umönnun, í störfum sem ekki krefjast háskólamenntunar. 

Stöplaritið sýnir fjölda stöðugilda eftir starfstegund í grunnskólum í Reykjavík. Flest stöðugildi voru kennarar og fæst skólastjórnendur.

Fjöldi stöðugilda eftir starfstegund og árum

Sveimaðu yfir grafið til að sjá nánari upplýsingar

Ítarefni

Þessi gagnasaga byggir á gögnum frá Skóla- og frístundasviði.

Viltu vita meira um grunnskóla eða aðra starfsemi borgarinnar? Í Gagnagáttinni getur þú flett upp í opnum gagnasöfnum borgarinnar og hlaðið þeim niður.

Fara í gagnagáttina

Útgáfur gagnasögu

Útgáfa 1 05-03-2024 - Gagnasaga birt
Útgáfa 2 10-04-2026 - Gagnasaga uppfærð

Aðrir málaflokkar