Leik­skól­ar og dag­for­eldr­ar

Í Reykjavík eru 86 leikskólar. Þar af eru 68 leikskólar borgarreknir og 18 sjálfstætt starfandi. Til viðbótar eru 5 ára börn í leikskóladeildum tveggja sjálfstætt starfandi grunnskóla. Árleg tölfræði miðast við stöðuna í október hvert ár nema annað sé tekið fram þar til árið 2024 en eftir það miðast hún við nóvember. Mánaðarlegar tölur má finna í gagnapökkunum frá og með 6. febrúar 2026. ​

Leikskólar

1.nóvember 2025 voru 6.519 börn skráð í leikskóla í Reykjavík. Þar af voru flest börn í borgarreknum leikskólum, eða 5.248 börn. Börn í sjálfstætt starfandi leikskólum voru 1.271 talsins eða 19,5% af heildarfjölda barna í leikskólum árið 2025.

Leikskólabörnum fjölgað undanfarin ár 

Hér sést þróun á fjölda barna í öllum leikskólum í Reykjavík á árunum 2009-2025. Talsverð breyting varð á árunum 2014-2018 þegar leikskólabörnum fækkaði úr 6.784 í 5.948 börn en þá var starfsumhverfi leikskólabarna og starfsfólks bætt og börnum í rými fækkað í nokkrum áföngum. Frá 2018 fjölgaði leikskólabörnum svo aftur vegna fjölgunar leikskólaplássa og voru þau alls 6.519 árið 2025.

Fjöldi barna í leikskólum eftir árum og tegund leikskóla

Sveimaðu yfir grafið til að sjá nánari upplýsingar

Flest börn eru í leikskólum í Breiðholti

Fjöldi barna í leikskólum eftir árum og hverfum

Sveimaðu yfir grafið til að sjá nánari upplýsingar

Flestir leikskólar eru í Vesturbæ

Fjöldi leikskóla eftir hverfum

Sveimaðu yfir grafið til að sjá nánari upplýsingar

Hvað eru leikskólabörn í Reykjavík gömul? 

Leikskólaplássum er úthlutað eftir aldri, það þýðir að elstu börnin fá úthlutað plássum fyrst.  Miðað er við að þau börn sem eru orðin 18 mánaða 1. september ár hvert fái boð í leikskóla það sama haust, því eru fæst börn í aldurshópnum . Þeim hefur þó fjölgað talsvert á milli ára, eða úr 368 börnum árið 2011 í 763 börn árið 2019. Í öðrum aldurshópum er fjöldi barna í kringum 1.300 - 1.700 börn sem endurspeglar stærð árganganna.

Fjöldi barna í leikskólum eftir árum og aldri

Sveimaðu yfir grafið til að sjá nánari upplýsingar

Hvað eru mörg börn á biðlista? 

Hér sést aldursdreifing barna á biðlista í leikskóla í borginni. Flest börn á biðlista eru á aldrinum 12 - 17 mánaða. Um er að ræða börn sem eru ekki skráð í aðra leikskóla í Reykjavík en einhver þeirra gætu verið með leikskólavistun í öðru sveitarfélagi eða landi. 

Plássum er úthlutað fyrir haustið í mars og apríl en umsóknir sem berast eftir þann tíma eru afgreiddar síðar. Plássum er úthlutað í kennitöluröð, þar sem elstu börnin fá boð fyrst. Alls eru 823 börn eldri en 12 mánaða á biðlista og af þeim eru 263 í vistun hjá dagforeldri. Þegar búið er að úthluta leikskólaplássi fara börnin af biðlista.

42 börn hafa fengið úthlutað plássi en eru ekki byrjuð í leikskóla, þar af eru 3 hjá dagforeldri. Flest börn hefja vistun að hausti þegar elstu börnin fara upp í leikskóla.

Aldursdreifing barna á biðlista í leikskólum þar af fjöldi barna hjá dagforeldri

Sveimaðu yfir grafið til að sjá nánari upplýsingar

Hvernig eru biðlistar í hverfum í borginni?

Hér sést staða biðlista eftir borgarhlutum og aldri. Flest börn eru á biðlista eftir leikskólum í Laugardal.

Foreldrar geta ráðfært sig við Leikskólareikninn hér fyrir neðan til að fá áætlaða stöðu síns barns á biðlista miðað við fæðingardag barnsins.

Aldursdreifing barna á biðlista eftir hverfum

Sveimaðu yfir grafið til að sjá nánari upplýsingar

Hversu mörg vinna í leikskólum borgarinnar? 

1. október 2024 var fjöldi stöðugilda í borgarreknum leikskólum 1.753. Þar af voru 369 menntaðir leikskólakennarar og 294 annað starfsfólk með uppeldismenntun. Hlutfall leikskólakennara af heildarfjölda starfsfólks sem starfar með börnum var því 21,1 %. Þegar bætt er við starfsfólki með aðra uppeldismenntun á háskólastigi er hlutfall fagmenntaðra 37,8 % af því starfsfólki sem starfa með börnum.

Fjöldi stöðugilda eftir árum og tegund starfs

Sveimaðu yfir grafið til að sjá nánari upplýsingar

Dagforeldrar

Dagforeldrar í Reykjavík vinna mikilvægt umönnunar- og uppeldisstarf og gæta barna allt frá sex mánaða aldri. Dagforeldrar eru sjálfstætt starfandi en fá styrki og niðurgreiðslur frá borginni.

Aðgerðir til styrktar dagforeldrum 

Til að hvetja til nýliðunar í hópi dagforeldra í Reykjavík hafa aðstæður dagforeldra verið bættar undanfarin misseri. Sem dæmi mætti nefna:

  • Hækkun stofnstyrkja til dagforeldra
  • Árlegur aðstöðustyrkur
  • Aukin endurmenntun
  • Aukið aðgengi að leiguhúsnæði fyrir starfsemi dagforeldra
  • Aukin niðurgreiðsla til barna sem náð hafa 18 mánaða aldri

Færri dagforeldrar en áður

Starfandi dagforeldrum hefur fækkað undanfarin ár. Starfandi dagforeldrar í Reykjavík voru flestir 262 árið 2001 og fæstir árið 2024 þegar þeir voru 84. Miðað er við stöðuna 1. október ár hvert.

Fjöldi barna hjá dagforeldri og fjöldi dagforeldra eftir árum

Sveimaðu yfir grafið til að sjá nánari upplýsingar

Þróun á fjölda barna í vistun dagforeldra

Fjöldi barna hjá dagforeldrum fer fækkandi í takt við fækkun dagforeldra. Árið 2013 voru þau 783 en árið 2025 var talan komin niður í 319 börn. Flest börn sem eru í vistun hjá dagforeldrum eru 1 árs. Gögnin miða við stöðuna 1. október ár hvert.

Fjöldi barna hjá dagforeldrum eftir árum og aldri barns

Sveimaðu yfir grafið til að sjá nánari upplýsingar

Skóla- og frístundastarf í tölum

Viltu vita meira um skóla og frístund? Skoðaðu mælaborð Skóla- og frístundasviðs.

Skóla- og frístundastarf í tölum

Leikskólareiknir

Viltu vita meira um leikskóla og biðlista? Reykjavíkurborg býður upp á leikskólareikni þar sem hægt er að fá áætlaða stöðu á biðlista eftir leikskólaplássi.

Leikskólareiknir

Um gögnin

Þessi gagnasaga byggir á gögnum frá Skóla- og frístundasviði. Gagnasagan verður uppfærð með nýjum gögnum að minnsta kosti árlega, eða eftir því sem gögn berast. 

Viltu vita meira um leikskóla eða aðra starfsemi borgarinnar? Í Gagnagáttinni getur þú flett upp í opnum gagnasöfnum borgarinnar og hlaðið þeim niður.

Fara í gagnagáttina

Aðrir málaflokkar