Leik­skól­ar og dag­for­eldr­ar

Hér sést þróun á fjölda barna í öllum leikskólum í Reykjavík á árunum 2009-2025. Talsverð breyting varð á árunum 2014-2018 þegar leikskólabörnum fækkaði úr 6.784 í 5.948 börn en þá var starfsumhverfi leikskólabarna og starfsfólks bætt og börnum í rými fækkað í nokkrum áföngum. Frá 2018 fjölgaði leikskólabörnum svo aftur vegna fjölgunar leikskólaplássa og voru þau alls 6.519 árið 2025. Árleg tölfræði miðast við stöðuna í nóvember 2024 en október fram að því. Tölur fyrir 2025 miðast við 1. hvers mánaðar.

Leikskólaplássum er úthlutað eftir aldri, það þýðir að elstu börnin fá úthlutað plássum fyrst.  Miðað er við að þau börn sem eru orðin 18 mánaða 1. september ár hvert fái boð í leikskóla það sama haust, því eru fæst börn í aldurshópnum . Þeim hefur þó fjölgað talsvert á milli ára, eða úr 368 börnum árið 2011 í 763 börn árið 2019. Í öðrum aldurshópum er fjöldi barna í kringum 1.300 - 1.700 börn sem endurspeglar stærð árganganna.

Hér sést aldursdreifing barna á biðlista í leikskóla í borginni. Flest börn á biðlista eru á aldrinum 3 ára og eldri. Um er að ræða börn sem eru ekki skráð í aðra leikskóla í Reykjavík en einhver þeirra gætu verið með leikskólavistun í öðru sveitarfélagi eða landi. 

Plássum er úthlutað fyrir haustið í mars og apríl en umsóknir sem berast eftir þann tíma eru afgreiddar síðar. Plássum er úthlutað í kennitöluröð, þar sem elstu börnin fá boð fyrst. Alls eru 806 börn eldri en 12 mánaða á biðlista og af þeim eru 261 í vistun hjá dagforeldri. Þegar búið er að úthluta leikskólaplássi fara börnin af biðlista.

68 börn hafa fengið úthlutað plássi en eru ekki byrjuð í leikskóla, þar af eru 2 hjá dagforeldri. Flest börn hefja vistun að hausti þegar elstu börnin fara upp í leikskóla.

Hér sést staða biðlista eftir borgarhlutum og aldri. Flest börn eru á biðlista eftir leikskólum í Laugardal.

Foreldrar geta ráðfært sig við Leikskólareikninn hér fyrir neðan til að fá áætlaða stöðu síns barns á biðlista miðað við fæðingardag barnsins.

Hér má sjá aldur barna sem byrjuðu í leikskóla í borginni á tímabilinu ágúst til nóvember haustið 2025. ​Flest börn voru að hefja leikskólagöngu en jafnframt fluttu mörg börn til borgarinnar.

Börn hefja vistun á öllum aldri. Sum þeirra eru að flytja til borgarinnar frá öðrum sveitarfélögum eða öðrum löndum og ekki er ljóst hvort þau hafa áður verið í leikskóla eða ekki. Á grafinu má sjá meðalaldur þeirra barna sem áætlað er að séu að hefja sína fyrstu leikskólagöngu í ágúst og nóvember.

1. október 2024 var fjöldi stöðugilda í borgarreknum leikskólum 1.753. Þar af voru 369 menntaðir leikskólakennarar og 294 annað starfsfólk með uppeldismenntun. Hlutfall leikskólakennara af heildarfjölda starfsfólks sem starfar með börnum var því 21,1 %. Þegar bætt er við starfsfólki með aðra uppeldismenntun á háskólastigi er hlutfall fagmenntaðra 37,8 % af því starfsfólki sem starfa með börnum.

Starfandi dagforeldrum hefur fækkað undanfarin ár. Starfandi dagforeldrar í Reykjavík voru flestir 262 árið 2001 og fæstir árið 2024 þegar þeir voru 84. Miðað er við stöðuna 1. október ár hvert.

Fjöldi barna hjá dagforeldrum fer fækkandi í takt við fækkun dagforeldra. Árið 2013 voru þau 783 en árið 2025 var talan komin niður í 319 börn. Flest börn sem eru í vistun hjá dagforeldrum eru 1 árs. Gögnin miða við stöðuna 1. október ár hvert.